D’Initiativ „Astronaut*in fir een Dag“ ass e Concours, deen u Portugal Space inspiréiert ass an deen zu Luxemburg vun der Luxembourg Space Agency organiséiert gëtt. En adresséiert sech u jiddereen, dee vum Weltraum begeeschtert ass a sech een Dag ewéi een Astronaut fille wëll.

​

A wat ass d’Zil vun dëser Initiativ? Eng Grupp vun Astronaut*inne fir een Dag zesummenzestellen, déi d’Méiglechkeet hunn, en eenzegaartege Vol an der kompletter Schweerelosegkeet ze erliewen an esou een Ambassadeur / eng Ambassadrice fir de Weltraum ze ginn fir och aner Leit fir de Sujet ze begeeschteren.